Croeso i’n rhaglen hyfforddi ddiweddaraf

Rydym wedi bod yn gwrando’n astud arnoch ac, fel bob tro, rydym wedi cynllunio ein rhaglen o gwmpas eich anghenion - gwyddom fod hwn yn gyfnod anodd o ran cyllido a bod mudiadau trydydd sector yng Nghymru yn gorfod newid y ffordd maent yn gweithredu, rheoli eu gweithlu i gyflawni pethau’n fwy effeithiol a phrofi gwerth yr hyn a wnânt - credwn y gall hyfforddi a dysgu helpu i wneud hyn.

Mae 18 o gyrsiau newydd: fe ddewch chi o hyd i gyrsiau i’ch helpu chi i reoli newidiadau, cynllunio ar gyfer canlyniadau a’ch helpu chi i ddatblygu sgiliau a thechnegau i brofi gwerth ac effaith eich gwaith yn nhrydydd sector Cymru

Mae ein rhaglen yn cynnwys gweithdai, cyrsiau hanner diwrnod, dosbarthiadau meistr, seminarau arfer da, dysgu achrededig a heb ei achredu.  Rydym wedi llwyddo i gynnal ein prisiau eleni, a chofiwch, yn wahanol i ddarparwyr hyfforddiant masnachol, nid ydym yn codi TAW.

Gall llawer o’n cyrsiau gael eu cyflwyno fel atebion hyfforddi mewnol - ffoniwch ni ar 0800 2888 329 neu e-bostiwch training@wcva.org.uk